繼續同史友們介紹我國最新嘅考古發現，據陝西省考古研究院公布，早前考古團隊就透過對洛南盆地嘅夜塬舊石器時代遺址進行發掘，證實到洛南盆地遺址百萬年前已有人類活動，阿史今次就同大家講一講啦！
據了解，今次發掘嘅區域係位於遺址嘅東南部，整體發掘嘅面積達到500平方米，當中搵到嘅地層堆積就厚達24米，出土超過1.2萬件石製品，例如就有備料、石核、石片、修理工具、斷塊等等，分佈得相當之密集。
而經過考古團隊嘅分析，洛南盆地遺址呢次嘅發現至少係距今110萬年，咁亦都意味住當時就已經有古人類嘅文化遺存並且佢哋係懂得對石器進行加工，對研究中國遠古人類與文化起源與早期發展有重大嘅意義！
原圖嚟自網絡