繼續同史友們介紹一啲中國傳統嘅有趣用語,喺傳統嘅圍村嚟講,每逢有圍村家庭生仔都用用到「添丁點燈」一詞,當中「添丁」就係解作生仔嘅意思,咁到底喺傳統嚟講,生女又會點樣講呢?
喺古代,同生女對應嘅詞句都有唔少,例如會叫做「弄瓦之喜」。喺古代男耕女織嘅社會當中,生仔就叫做「弄璋之喜」,「璋」就即係古代嘅一種玉帛,寓意住高貴嘅品德,至於「瓦」就係解作紡織時使用嘅紡梭,寓意女子長大可以擅長女紅。
而對應返「添丁」呢個詞,「丁」係解做成年男性,而生女其實就即係「添口」。「添口」當中嘅「口」,係可以解做消費糧食嘅人口,要知道古代嘅女子甚至從事農業活動,對傳統社會而言佢哋就會被視為「口」。
原圖嚟自網絡