【講開有段故】古代青樓都開喺考場對面?
喺唔少影視作品當中,好似古代嘅青樓好多時候都會開喺考場嘅對面,而唔少文人喺考完科舉之後都會一同到青樓聚會,咁到底呢件事又真唔真呢?阿史今次就同大家講一講啦!
雖然呢啲情況聽落好似好戲劇性咁,但其實歷史上都真係確有依據,就好似唐代嘅平康坊正正就係喺江南貢院對面開設。要知道古代嘅青樓並唔係普通嘅地方,而係文人墨客繼續都會去嘅地方,唔少文人唔單止會去聚會,甚至仲會搵埋青樓嘅女子一同外出遊玩。
而青樓本身亦都係唔少詩句名作嘅起源地,青樓內部嘅牆身、牆壁就係文人嘅「詩板」,唐代唔少詩作都係出自青樓。正因為青樓同文人之間有住咁密切嘅關係,所以就會盡量開設喺考場附近,等士子有個可以放鬆嘅空間,同其他人一同切磋詩文。
原圖嚟自網絡