如果史友們曾經去過北京故宮,應該都會參觀過當中著名嘅一個景點「九龍壁」。「九龍壁」同宮中其他影壁一樣,都係用於遮擋視線嘅影壁,係中國現存四塊古代琉璃九龍壁之一。
北京故宮「九龍壁」呢座背倚宮牆而建嘅單面琉璃影壁為乾隆三十七年(1772年)改建甯壽宮時燒造,位於紫禁城甯壽宮區皇極門外,壁上部為黃琉璃瓦廡殿式頂,簷下為仿木結構的椽、檁、鬥栱。由於係皇家嘅精品,所以九龍壁整體嘅九條浮雕巨龍都係以270塊琉璃瓦拼接而成,但唯獨有一條白龍嘅腹部竟然係用木頭所製,到底當中有咩原因?
關於呢一點,其實歷代都有唔少推測。有指就係當時工匠喺施工之時無意打爛咗琉璃瓦,為咗可以填補返呢個漏洞,就私自用到木頭頂替。但要知道如果呢件事發現,罪名就係相當之大,所以亦有講法係指,木頭係喺乾隆晚期先至出現,原因係皇帝發現到琉璃瓦破損,深知即使重新燒製都會有色差存在,所以就准許用上木頭替代。而隨住時日漸長,木頭表面嘅顏色都慢慢消失,所以大家就會睇到呢個景色喇!
原圖嚟自網絡