尋日就同史友們講到，喺古代嘅封建社會當中，女子喺婚姻嘅角色就係要聽從「父母之命」，要挑選自己心目中嘅如意郎君，並唔係每個朝代都可以做到。咁主動挑選唔可以，古代女子又有冇咩方法可以吸引到追求者呢？阿史今次就同大家講一講啦！
喺現代人睇嚟，要吸引到追求者無非都係通過外貌以及言行舉止而留下深刻嘅印象，但古代嘅女子其實係有好多方法去達致呢個目的。首當其衝就一定係通過化妝、畫眉，「小山重疊金明滅，鬢雲欲度香腮雪。懶起畫蛾眉，弄妝梳洗遲」，正正就係古代女子起床梳妝嘅寫照。
而除咗表面嘅呢層，其實古代女子仲識得利用首飾玉配、香氣甚至鞋印製造形象，例如《西廂記》中嘅崔鶯鶯就可以做到「蘭麝香仍在，佩環聲漸遠」。雖然呢啲方式只能夠產生朦朧美，但就可以令人難以忘懷，真係相當高難度！
原圖嚟自網絡