前果排內地電視劇《狂飆》掀起一股煲劇熱潮，甚至唔少香港人都話好好睇，而劇中嘅京海市更成為唔少人去遊玩嘅熱點。當然！故事中嘅京海市係虛構，但原來取景地就同香港唔係相隔好遠。
《狂飆》取景地，就係廣東省內有僑都之稱嘅江門市。江門市位於珠三角西岸，素有中國僑都美譽，呢個地方係昔日唔少人出洋打工嘅出發點，所以一直以來都有好多華僑返回呢個家鄉起屋投資，當年由返鄉華僑興建嘅開平碉樓就係呢個僑都嘅標誌。講返《狂飆》取景之地，主要係江門市嘅蓬江區，呢個地方就係江門市市區嘅核心區域，而另一個主要取景點台山市嘅四九市場，就係舊廠街所在之地，當地就有好多廣州式騎樓，成為當地一道風景。有趣嘅係，由於當地有唔少華僑後代，所以部分店鋪係用泰文做招牌。
雖然江門市係《狂飆》取景地，但江門就無發生過劇中嘅情節，劇中主角高啟強原型，導演講話係來自黑龍江李氏三兄弟案、遼寧徐長元案同廣東曾仕權案嘅犯罪者。
原圖嚟自網絡