史友玩任何一款三國遊戲，總會見到許褚呢位武將。呢位以武力值高見稱嘅三國時期人物，上千年來名氣都相當大，除咗打得，仲特別忠心。咁呢位曹操嘅愛將响曹操死後許褚又係點呢？
據《三國志》記載，許褚「長八尺余，腰大十圍，容貌雄毅，勇力絕人」，而响佢投靠曹操後，曹操就話：「此吾樊噲也。」仲拜佢為宿衛都尉，負責曹操警衛工作，簡單而言就係貼身保鑣。而响曹操南征北討過程中，許褚好多時都响曹操身邊，更披甲上陣。由於佢謹慎奉法，質重少言，因此深得曹操信任。而佢對曹操亦係忠心耿耿，响佢得知曹操死訊後，許褚「號泣歐血」。而响曹丕繼位後，許褚就進封為萬歲亭侯，遷武衞將軍，都督中軍宿衛禁兵，負責曹丕嘅警衛工作。後嚟曹睿即位後，許褚又進封為牟鄉侯，更惠及其子，一人為關內侯。照咁睇，曹操爺孫三代對許褚都相當器重，深得曹家信任。
原圖：《新三國》劇照