繼續同史友們介紹世界各地嘅一啲新奇有趣發現，近日喺英國約克就有一名男子打算翻修公寓入面嘅廚房，但點知喺裝修過程當中竟然發現到400幾年前嘅文物，阿史今次就同大家講一講啦！
據衛報報導，呢位男子早喺去年就打算裝飾自己位於約克市中心公寓嘅廚房，但點知過程中竟然發現到可以追溯至西元1660年左右嘅壁畫邊緣飾帶。呢幅壁畫嘅歷史甚至仲比兩邊嘅建築物更加古老，而經過專家研究後，就認為呢幅作品正係來自英國著名詩人誇爾斯（Francis Quarles）1635年撰寫，真係一場奇遇。
面對住屋企有突如其來嘅「文物」，好多人第一時間都唔知有咩反應，而呢位男子就表示其實係一種「負擔」，事關自己根本冇資金可以去保護壁畫。而得知消息後，英格蘭歷史遺產保護局就協助將呢幅壁畫遮蔽起來以防止損壞，都算係一個完滿嘅結局。
原圖嚟自網絡