如果史友們有留意香港近期嘅古蹟資訊,應該就會知道喺最新公布嘅歷史建築名單當中,灣仔消防局係剛剛評為二級歷史建築。到底呢座有82年歷史嘅建築有咩過人之處呢?阿史今次就同大家講一講啦!
屹立軒尼詩道435號嘅灣仔消防局係現存最古老、使用年期最久並且仍然使用中嘅消防局,單單係呢一點就已經相當難得。而成座消防局無論係外部定係內部嘅建築風格都仍然處於二戰時期嘅風格,而關於消防局建築規格係直到1958年先至有明確訂明,所以灣仔消防局係同其他消防局喺風格上有明顯嘅分別。
而如果細數建築內部,同現代消防局唔同,灣仔消防局所用嘅係獨一無二嘅黃銅滑柱,由於經過長期使用,黃銅滑柱中間位置對比最頂端亦都變得光滑,都算係歷史嘅痕跡。之不過,由於仍然係使用當中,要開放參觀似乎就真係需要等一等喇!
原圖嚟自網絡