喺唔少影視作品當中，大家都可以從中得知大唐第一戰神李靖有另一個外號，就係「托塔天王」。到底點解呢位唐初嘅武將又會冇啦啦被神化成為托塔天王呢？阿史今次就同大家講一講啦！
李靖喺歷史上就係唐初開國功臣，曾經參與過建國戰爭，平定過江陵、江南、吐谷渾，戰功相當彪炳，早喺唐代嘅著作《安祿山事跡》、《太平廣記》當中就已經有被神化嘅跡像，但就未將佢同任何神明連結，更加未被稱為「托塔天王」。
咁到底又係幾時開始李靖先被進一步神化呢？答案就係元代喇！由於元人對唐人相當感興趣，甚至仲作咗唔少神話故事出嚟。喺《三教源流搜神大全》當中，就有描述哪吒喺《西遊記》原型故事，當時李靖仍未係故事當中嘅主角，直到《西遊記》真正出現，李靖成為托塔天王就係因為生怕哪吒報削骨肉之仇而向佛祖求助，於是得到一座名為「玲瓏剔透舍立子如意黃金寶塔」降伏哪吒，就係因為呢個故事，呢位大唐第一戰神先至被奉為托塔天王。
原圖嚟自網絡