嗩吶係古代嘅一種雙簧管樂器，早喺公元3世紀就已經隨絲綢之路開闢，從東歐、西亞一帶傳入我國。經過幾千年發展，嗩吶已經成為我國具代表性嘅民族管樂器，喺宮廷樂、戲曲伴奏、婚喪喜慶當中都可以聽見呢種樂器嘅音色。雖然呢種樂器歷史悠久，但就已經被視為係過時嘅傳統樂器，勢都估唔到原來可以有咁樣嘅發展！

近日就有中國第一位嗩吶博士劉雯雯將呢種古舊樂器帶到世界舞台之上。呢位「90後」女仔出生喺一個嗩吶世家，家族從明末清初承襲嗩呐，至今已經維持咗400幾年，嚟到佢呢一代就已經係第13代。喺現代社會嚟講，呢種樂器就已經多數喺紅白喜事上先會出現，但劉雯雯就偏偏喺家人堅持之下而自小吹奏，即使去到考大學嘅時候，仍然選擇咗嗩吶，入讀上海音樂學院，成為嗩呐大師劉英嘅學生。

吹嗩吶並唔係一件容易嘅事，簡單一首5、6分鐘嘅曲就需要每日練習5、6小時，並且需要有一定嘅肺活量。而憑住驚人嘅毅力，劉雯雯喺2017年就受邀到悉尼歌劇院同中國著名的指揮家、作曲家譚盾表演高難度傳統曲目《百鳥朝鳳》，作為首個將嗩吶帶上呢個舞台嘅演奏者，佢可以話係技驚四座。而喺2020年，劉雯雯更成為中國第一個嗩吶博士，繼續傳承呢門傳統樂器，真係犀利！

原圖嚟自網絡