喺東漢末年嘅歷史上，有一場被稱為「十常侍亂政」嘅事件，被稱為係我國史上第一次宦官時代，到底「十常侍亂政」係點樣嘅一回事，又係點樣發生呢？阿史今次就同大家講一講啦！
所謂嘅「十常待」喺歷史上並唔止得十人，而係泛指東漢靈帝時期（168年－189年在位）操弄政權嘅張讓、趙忠、夏惲、郭勝、孫璋、畢嵐、栗嵩、段珪、高望、張恭、韓悝、宋典等十二位宦官。因為呢十二人都係任職中常侍，所以後來史籍就稱佢哋為十常侍。本來常侍並唔算係太大嘅官職，但就由於以上十二位宦官當中張讓、趙忠最為受寵於靈帝，靈帝甚至仲講過「張常侍是我公，趙常侍是我母」。
有咗呢句說話加持之下，十常侍朋輩為奸，《後漢書》記載佢哋「其封侯貴寵，父兄子弟布列州郡，所在貪殘，為人蠹害」，甚至喺黃巾之亂時立有大功嘅皇甫嵩、傅燮都慘死喺佢哋手中。
隨住靈帝駕崩後，十常侍同外戚大將軍何進矛盾激化，何進雖然最終死喺佢哋手中，但袁紹、袁術等人亦都率軍誅滅十常侍，中國歷史上第一次宦官時代就係咁樣結束。
原圖嚟自網絡