韓式炸雞同美軍有關?
近年韓國文化响香港非常流行,連帶韓式美食都普及起嚟,當中唔少人都鍾意食韓式炸雞。上次阿史同史友們介紹過,部隊鍋呢款韓式食品同美國軍隊大有關連,原來韓式炸雞都同美軍有一定關係。
响朝鮮戰爭期間,美國就派軍隊進入朝鮮半島,後嚟朝鮮戰爭告一段落,美國仍然有幾萬名軍人駐紥响韓國。呢批响韓國駐紥嘅軍人,慢慢影響咗韓國人嘅生活習慣。由於美軍唔少人都鍾意食美式炸雞,於是當地韓國人就靈機一觸,開始出售炸雞,而呢種炸雞就係韓式炸雞最初型態。
原圖嚟自網絡
標籤:
講開有段故
評論:
共0 條評論