之前阿史都介紹咗唔少賣豬仔嘅故事，仲講過响十九世紀末個陣澳門係「豬仔」貿易中心，真係無陰公。不過其實响澳門成為「豬仔」貿易中心前，其實福建廈門市係比澳門發展「豬仔」貿易嘅地方。
响十九世紀個陣，福建一帶已經有外國人响度活動，而1841年11月廈門對外開埠，外國商人同洋行就陸續响呢個地方做生意。而中國嘅苦力買賣就係從廈門開始，後嚟仲成為咗契約華工出洋嘅最大中心之一。據統計，1845年至1853年，從廈門出國嘅華工人數達到12000人。
不過，華工被賣豬仔嘅慘況陸續傳到返中國境內，廈門人開始對呢種人口販賣痛之入骨，而响1852年11月，廈門有成1500人到德記同合記呢兩間賣豬仔洋行進行抗議，更得到廈門城郊農民紛紛進城聲援，因為唔少人都擔心自己會俾豬仔館同啲不法商人拐賣。結果响廈門賣豬仔嘅洋行就將基地轉移至其他地方。就係因為廈門人團結抵制賣豬仔，成功令廈門唔再係拐賣人口嘅中心。
原圖嚟自網絡