相信唔少史友讀書嘅時候都讀過，秦始皇動員全國人力興建萬里長城最大嘅目的就係為咗抵禦塞北遊牧民族侵襲，而其實早喺戰國時期燕、趙、秦等國就已經興建過多段長城，經過秦始皇統一天下之後連接起嚟，先至成為「萬里長城」。
就抵抗塞北遊牧民族侵襲而言，「萬里長城」絕對係起到重要作用，所以後代君主都投入唔少人力物力去對長城整建修復。不過唔知史友們又有冇諗過，其實「萬里長城」嘅出現，係會間接對歐洲造成危害呢？
早前美國波士頓大學教授巴菲爾德就提出過，其實「萬里長城」嘅修築係間接造成歐洲受到遊牧民族侵害。當中嘅原因其實並唔難諗，喺同一時期歐洲國家並冇中原地區嘅大一統王國，自然就冇方法集中修築好似長城一樣嘅軍事工程，而當遊牧民族無法侵襲物產豐饒嘅中原地區，為咗尋求更多資源，自然就會到西邊歐洲大陸。所以，長城嘅出現其實係改變咗東西方歷史格局，亦都決定咗草原皇國嘅發展。
原圖嚟自網絡