繼續同史友們介紹一啲有趣嘅歷史謎題,一代天驕成吉思汗雖然開創帝國版圖橫跨歐亞大陸,但佢喺征服嘅過程當中都用上唔少殘忍手段,甚至不時都會發生屠城等事件。既然都屠得城,成吉思汗同佢嘅蒙古鐵騎本來就冇必要仁慈,但往往佢哋喺屠殺之前都會赦免3種人,到底係邊類人可以幸免於難,當中又有咩原因?阿史今次就同大家講一講啦!
成吉思汗屠城赦免嘅人可以話係經過深思熟慮,首先就係女人以及幼小孩童呢兩種人可以得到赦免。作為遊牧民族,成吉思汗就認為古代嘅女人基本上唔具有威脅,而喺擴大人口嘅前提下,女人就可以作為戰利品獎勵畀有功之人,繁衍出嚟嘅後代又可以作為未來嘅戰力,所以係相當重要嘅資源;至於幼小嘅孩童又係同一道理,成吉思汗深信通過教育,呢啲孩童他日都可以成為蒙古嘅戰力。
而最後一種人可能史友們諗都冇諗過,就係工匠喇!要知道喺草原之上手工藝一直都唔發達,但攻城又係需要有手藝高超嘅工匠先至可以製作出精良嘅攻城武器,所以為咗投石器、火弩等武器,工匠就成為成吉思汗赦免嘅其中一種人喇!
原圖嚟自網絡