繼續同史友們介紹一啲有趣嘅歷史謎題，一代天驕成吉思汗雖然開創帝國版圖橫跨歐亞大陸，但佢喺征服嘅過程當中都用上唔少殘忍手段，甚至不時都會發生屠城等事件。既然都屠得城，成吉思汗同佢嘅蒙古鐵騎本來就冇必要仁慈，但往往佢哋喺屠殺之前都會赦免3種人，到底係邊類人可以幸免於難，當中又有咩原因？阿史今次就同大家講一講啦！
成吉思汗屠城赦免嘅人可以話係經過深思熟慮，首先就係女人以及幼小孩童呢兩種人可以得到赦免。作為遊牧民族，成吉思汗就認為古代嘅女人基本上唔具有威脅，而喺擴大人口嘅前提下，女人就可以作為戰利品獎勵畀有功之人，繁衍出嚟嘅後代又可以作為未來嘅戰力，所以係相當重要嘅資源；至於幼小嘅孩童又係同一道理，成吉思汗深信通過教育，呢啲孩童他日都可以成為蒙古嘅戰力。
原圖嚟自網絡
評論：
共0 條評論