最近阿史睇到一個片段，係一個電視台訪問一位順德阿姨，呢位阿姨做芝麻糊做到好出名，不過佢就對「正宗」兩個字好似有所保留，仲以流利廣東話粗口同大家講邊個話自己正宗都係呃人，段片真係滿滿廣東話精髓在內。
講到糖水，可以話係廣東人飲食重要一環，同湯水一樣做下糖水可以滋潤一下成個人。既然順德位阿姨話糖水無正宗，咁糖水又係點嚟嘅呢？普遍認為糖水係源自以往中原權貴階級嘅飲食文化，以前皇室貴族响宴會後都鍾意飲上一碗甜羹湯，解口舌之慾，即係甜一甜潤一潤。後嚟中原南方不斷响南延伸，南方人就以當地食材加以改良，廣東糖水就係慢慢咁樣演化而來。得意嘅係，同煲湯一樣糖水都有分季節性，夏天就要去暑燥，冬天就要防寒涼補暖，所以煲糖水同煲湯一樣，成為嶺南地區嘅習俗同特色飲食文化。
評論：
共0 條評論