如果史友們去順德玩，除咗會食下雙皮奶外，仲可能會去一個叫碧江金樓嘅景點。若果有當地導遊帶隊，仲可能會同大家講呢座建築有金屋藏嬌之傳說。
屬明清時期建築，原為碧江蘇家藏書閣，响清代道光年間，曾任兵部職方司嘅蘇丕文榮歸故里，於是大興土木改造成一座嶺南豪宅——職方第，附建一個書樓賦鶴樓。呢個藏書閣就厲害喇！屏門、門坊、檐板、廳壁、天花藻井木質雕飾均以「金」鑲貼（相傳話係真金，又有講法話唔係真金），金碧輝煌，因而有「金樓」之稱。
至於金樓又點會有金屋藏嬌之說呢？相傳當年慈禧嘅契女、法務大臣戴鴻慈個寶貝女戴佩瓊下嫁咗俾蘇丕文個曾孫蘇伯雨，蘇伯雨就將戴佩瓊安置响金樓之中伴讀，由於夜夜有美人相伴添香，因而傳來金屋藏嬌嘅傳說。姑勿論係真定假，如果史友們去順德的確值得去碧江金樓睇睇。
原圖嚟自網絡