林則徐係我國近代嘅民族英雄，為咗表彰、弘揚佢嘅愛國精神，全國唔少地方特別係南方都有設立佢嘅銅像。近日網上流出一尊美國紐約嘅林則徐銅像相片，真係唔講唔知，原來喺美國都會有一尊林則徐銅像，到底銅像係由咩人設立，背後又有咩用意呢？阿史今次就同大家講一講啦！
喺美國紐約華埠中心，東百老匯街地區，就有一尊喺1997年由美國林則徐基金會設立嘅林則徐銅像。銅像高達3.2米，主體就係頭戴清朝官帽，身穿一品官服，取站立姿態，揹着雙手，昂首挺胸嘅林則徐形象，寓意睜眼看世界嘅胸襟氣概。
作為西方世界屹立嘅第一尊世界禁毒先驅銅像，其實美國林則徐基金會就作出過唔少努力，早喺1995年就已經公開對外宣佈籌建，最終喺市議員傅莉達以及僑社賢達共通推動下，唔單止成功喺1997年樹立起林則徐銅像，更加喺2000年建成林則徐廣場，目的就係為咗弘揚林則徐反毒、禁毒思想、提醒普天下的華夏兒女牢記鴉片戰爭係中國近代恥辱史嘅開端。
原圖嚟自網絡