廣州係我國其中一個最早對外開放嘅城市,响一段時間更係國際級大城市。外國人多咗嚟廣州,唔多唔少對廣州本地帶來文化衝擊,好似飲食文化就包括其中。講到廣州嘅西餐,唔少人都會諗起太平館,不過其實响太平館出現之前,西餐已經响廣州出現咗一段時間。
有歷史研究學者考證出,廣州出現西餐早於十三行盛行時期,當時外夷洋行同廣州行商就有好多中國人廚師識煮西餐,好似响1769年,行商潘啟官招呼外國客人時,就完全依照英式菜譜同禮儀去款客。十八世紀响廣州食到嘅西餐,又會有乜嘢食呢?據外文文獻記載,當時廚師已經可以做出精美嘅西餐、點心同飲品,凍肉、火腿、牛肉等都有。有趣嘅係,當時部分外國人响廣州食過西餐後,都話水準同歐洲果邊接近。
講返太平館,初代老闆徐老高就係响洋行做廚,之後响街邊擺檔儲夠錢後就開咗第一家中國人嘅西餐館,即係太平館。
原圖嚟自網絡