近日喺西非國家塞拉利昂就發生咗一場暴風雨，喺雨災過後就有一個近乎可象徵呢個國家嘅歷史地標因此而消失，呢個地標就係一棵有近400年歷史嘅參天木棉樹。
呢棵吉貝木棉（Ceiba Pentandra）位於首都自由市（Freetown），由於高達70公尺，有住數唔清嘅枝節以及巨大嘅主幹，所以呢棵木綿樹亦都因此係當地民眾相當重視嘅地標，甚至好多市民喺經過嘅時候都會專門喺參拜。吉貝木棉唔單止喺當地民眾心目中有住重要嘅地位，甚至政府機構好似國家博物館、中央郵局以及最高法院等等都係圍繞呢棵樹建立，塞拉利昂鈔票與郵票上亦都係以呢棵呢作為圖案。
除此之外，相傳喺18世紀之時，非洲嘅海岸線上都係有唔少木綿樹，而當1700年代後期嘅美國奴隸獲釋後，佢哋重新登陸之時就係第一時間見到木綿樹嘅景象，所以木綿樹喺非洲人心目中係有住好重要嘅自由象徵。
原圖嚟自網絡