嘩嘩嘩，尋日全球首架國產大飛機C919東航MU9191航班就由上海成功飛抵北京，呢次航行唔單止代表住C919圓滿完成首個商業航班飛行，更加意味住國產飛機正式可以開啟市場化運營。
喺尋日嘅呢次旅程當中，唔少旅客都表示C919飛行平穩，「體驗很棒」，更有旅客直言，「中國人終於坐上國產大飛機」。而當呢架飛機完成航程降落北京機場之後，甚至仲獲得象徵民航最高禮儀「水門」儀式嘅接待，在場嘅民眾更加唱起《歌唱祖國》歡迎。
可能史友們會諗，都係一架國產飛行完成商業首飛，點解又會得到咁高程度嘅重視，但其實要完成以上呢個舉動，係需要打破好多技術限制！ C919國產大型客機嘅出現係打破咗波音以及空中巴士幾十年嚟「雙壟斷地位」，C919更加係由「研發、製造、取證、投運」每一步都全面貫通，全機超過六成達到國產化嘅程度，絕對係中國航空發展史上具有里程碑意義嘅飛行，亦係長達十六年嘅研發當中取得嘅重大成果！
原圖嚟自網絡