繼昨日全球首架國產大飛機C919完成商業首飛創歷史後，今日我國載人航天工程辦公室又公佈咗一個能夠再次為中國寫下歷史新一頁嘅消息，就係中國計劃2030年前實現中國人首次登陸月球。
「嫦娥奔月」嘅故事大家都由細聽到大，但到底月亮上面有啲咩？呢個問題係歷代科學家都希望探索同埋解答嘅，「可上九天攬月」亦係中華民族不斷追求嘅夢想同埋挑戰。中國探月工程早喺1991年就已經有航天專家提出開展，後來2004年正式開展嘅探月工程任務就以嫦娥工程命名。當年訂下嘅目標就係先發射繞月衛星，繼而是發射無人探測裝置，實現月面軟着陸探測，而最後一步就係要以運輸機械人上月球建立觀測點。
喺中國載人登月工程為「大三步」中，就已經完成咗無人探月嘅部分，接下來就係載人探月嘅工程開展。目前，我國就已經全面建成並且開始運營太空站，載人月球探測工程登月階段任務亦都已經實施。針對呢一個目標，中國載人航天工程辦公室甚至已經開始研制新一代載人運載火箭（長征十號運載火箭）、新一代載人飛船、月面著陸器、登月服等飛行產品，深信2030年前就可以實現月球科學考察及相關技術試驗，突破掌握載人地月往返、月面短期駐留等等嘅目標，為月球嘅科學發展貢獻中國智慧。
原圖嚟自網絡