繼續同史友們介紹世界各地最新嘅文物狀況，唔知史友們有冇幻想過自己屋企嘅一啲裝飾品有可能係一件好有歷史價值嘅文物？但凡大家腦海入面有呢個諗法，分分鍾就有機會發達！
近日喺英國鄉村就有一個商販特意邀請拍賣師嚟到自己屋企為一件私有物估價，其中就發現到一個擺放喺壁爐旁邊嘅裝飾品來頭唔簡單！經拍賣師估價之後，就發現呢件文物竟然係距今有1,500年歷史嘅北齊時期佛像石碑。呢件石碑造型極為精緻，重達90公斤、高約99公分，上面刻有佛陀站喺蓮花寶座上嘅形象。
由於女商販從來都冇諗過呢件石碑會係文物，所以就足足擺放咗喺客廳幾十年。呢件文物原本係由比利時工程師阿道夫斯．托克萊（Adolphe Stoclet）收藏，但後來就消失咗喺公眾視野長達半世紀。「失而復得」嘅文物最終重回拍賣行，並且經過多次競拍最終以55.44萬英鎊成交。
原圖嚟自網絡