秦始皇作為中國古代第一位皇帝，佢對後世最大嘅功績之一除咗有統一度量衡、貨幣、興建萬里長城之外，仲有嘅就係喺在位期間興建嘅一種古代交通要道秦馳道。之不過，喺古代興建道路最大嘅一個問題就係，呢啲道路只要一冇人維護就好容易雜草叢生，咁到底點解秦馳道就好少出現呢啲情況？阿史今次就同大家講一講啦！
秦始皇修築馳道最大嘅目的就係為軍隊服務，只要北方匈奴入侵，秦軍就需要喺700公里長嘅馳道上趕赴戰場，而呢啲交通要道同時亦都會用作運送物資，係確保戰時補及重要嘅一大因素。咁問題嚟喇，雖然喺好多朝代當中，呢啲曾經嘅交通要道都會沿用，但總不免會有個別道路因為城市發展而被廢棄，咁到底點解呢啲被荒廢嘅道路又好少出現雜草叢生嘅情況？
原來喺秦始王修築馳道之時，呢啲道路嘅泥土並唔係簡單堆疊鋪平就叫做完成，而係需要以高溫燒製，令到土內所有有機物都被燒死，喺冇晒任何養份嘅情況下，呢啲泥土會變得又硬又結實，道路嘅壽命就會被延長，植物亦都唔容易生長。
而實際上，古人嘅智慧唔止咁簡單，特別係喺城市規劃方面。喺秦朝滅亡之後，呢啲要道幾乎都被繼續沿用，直到清代先至慢慢荒廢，所以千幾年來呢啲要道喺車馬行人頻繁嘅情況下，自然就好難有太多植物生長。
原圖嚟自網絡`