今時今日為咗防止重要文件訊息外洩，各大公司甚至政府部門都會喺科技嘅協助之下出盡奇招，但喺古代社會到底又會有咩方法呢？阿史今次就同大家講一講啦！
防上文件訊息外洩嘅概念其實早喺古代就已經有，喺造紙術仲未被發明之時，古人要製作文件就只能通過竹片以及木片，所以當時嘅文件又被稱為「簡牘」。當古人書寫完呢啲簡牘之時，就會先以繩子外捆簡牘，繼而再用泥巴封住結繩位置，再喺泥巴位置上蓋上印章。喺種種防盜手段配合之下，只要呢啲簡牘被打開過，就必定會被發現，所以呢種方式亦被稱為「簡牘之鎖」。
而喺呢啲簡牘被閱讀完之後，為咗防止呢啲文件會被其他人睇到，古人又會將呢啲簡牘帶到河灘燒毀，再將燒完嘅殘渣變做磚塊，確保重要訊息完全消失，真係嚴密！
原圖嚟自網絡