講起尼泊爾，大家可能會諗起連綿山脈以及淳樸民風，今日同大家介紹多一樣，就係佢哋嘅特色文化。當地有一個非常古老嘅民族——尼瓦爾族，佢哋史前就已經响加德滿都峽谷生活，至今有一百幾多萬人。尼瓦爾族歷史悠久，族人主要信奉佛教同印度教，當中嘅婚姻習俗更加非常特別，族中女性一生會結幾次婚，所以被形容為「無寡婦」一族。

身為尼瓦爾族女性，第一次「婚姻」响7至9歲舉行，「新郎」係青綠色嘅孟加拉蘋果(bel fruit)。依次「果實婚姻」通常係集體婚禮，非常隆重，小新娘會著靚衫、戴上金光閃閃嘅飾物、額頭點上硃砂，部份人嘅頭頂更加會有一張畫有太陽神嘅紙帕，代表小新娘嘅婚禮受到太陽神嘅注目。

婚禮之後，小新娘嘅父母會將「新郎」用紅布妥善包住，小新娘亦都會將果實珍藏一生。由於孟加拉蘋果嗰殼好堅硬，放好多年都唔會爛，係婚姻永恆不變同感情專一嘅象徵。至於之後嘅婚禮，阿史下次再同大家分享。