方唐鏡真有其人？

唔記得邊日睇返周星星嘅《九官芝麻官之白面包青天》，當中一個好搶鏡嘅角色就係廣東第一狀師方唐鏡。好喇！咁到底方唐鏡係咪真有其人呢？

阿史幾年前睇過一篇關於方唐鏡嘅文章，可以同大家分享一下。响廣東嘅民間故事，陳夢吉、方唐鏡、劉華東、何淡如合稱「廣東四大狀師」，方唐鏡同陳夢吉更加係歡喜冤家。之不過，方唐鏡唔係姓方，而且呢個只係一個花名，正寫為「荒唐鏡」。相傳荒唐鏡原名叫潘鏡泉，南海人，清中葉時期嘅秀才，曾為西關四大富戶之一葉大觀嘅清客，以琴棋詩酒為主人服務。由於佢平日講嘢滑稽，又時時語出驚人，所以俾人稱為「荒唐鏡」。响一啲電影裡面，通常方唐鏡（或荒唐鏡）都係幫有錢人蝦窮人，但相傳佢除咗主人家外，每遇富人都會以言語戲弄一下。

講明先，以上都係一啲民間故事，至於孰真孰假，大家自行判斷啦！