加拿大軍人捨身衛港

响香港抵抗日軍入侵嘅歷史中，有一班軍人唔能夠被遺忘，佢哋就係加拿大來福槍營以及溫尼伯營。

講返個歷史背景先，英國响1940年開始，決定向遠東殖民地增兵，等日軍唔會入侵。當時除咗駐港英軍外，呢兩支加拿大部隊奉命到香港增援，兵力大概有2500人。佢哋抵港之後，當時政府仲宣傳，話俾大家知香港有足夠兵力保衛香港。

之不過，呢兩批加拿大兵係以新入伍嘅後生仔居多，缺乏基本訓練之餘，裝備都差。佢哋嚟咗香港無耐，日軍就入侵香港喇！戰鬥經驗少，人生路不熟，結果佢哋死嘅死，被俘嘅被俘。被俘嘅軍人，响戰俘營面對住被虐待、飢餓、死亡。據統計，呢兩個營有558人魂斷香江，數目為赴港兵員嘅五分之一。