「哪裡來的駱駝客呀~沙里洪巴~嘿唷嘿~~」早幾日阿史些牙咗廿幾三十年前經典小學音樂書《新小學音樂》個陣,就提過《沙里洪巴》呢首歌,可能唔少史友都唱過或聽過呢首歌。咁好喇!沙里洪巴到底係邊個嚟呢?呢首又係一首乜嘢歌呢?
沙里洪巴係一首新疆古老嘅哈密民歌,源自《伊州大曲》。而沙里洪巴並唔係一個人,而係一句問候語,據講以前响北疆地區嘅人响市場討價還價個陣就會嗌「沙哩洪巴,嘿唷嘿」。至於《沙里洪巴》呢首歌內容講嘅就係有一個從拉薩嚟嘅駱駝客,去到當地(應該係新疆地區),當地人俾佢嘅連串反應。而响歷史上,新疆係絲路中一個必經之地,單係烏魯木齊就有好多同絲路有關嘅許多文物古蹟,好似烏拉泊古城、阿拉溝遺址、鞏寧城遺址等。所以,《沙里洪巴》歌詞嘅故事,可能同史實相當接近。
講返轉頭,可能唔少史友對《沙里洪巴》嘅認識,並唔係嚟自《新小學音樂》或者鄧麗君,而係嚟自整蠱專家古晶。