不丹國王愛情長跑

之前提到不丹，大家記得佢係快樂國度、梁朝偉同劉嘉玲結婚地點，今日同大家講講不丹國王旺楚克同王后佩瑪嘅故事。

話說17歲時仲係太子嘅旺楚克，出席王室郊遊活動時見到7歲嘅佩瑪，一見鐘情，仲話「等你大個，如果我哋都仲係單身，只要大家嘅感覺唔變，我願意娶你為妻」。去次郊遊，未來不丹王后寶座花落誰家就塵埃落定喇。雖然佩瑪嘅爸爸係機師，不過外公係前皇后同父異母兄弟，所以佩瑪算得上係王室嘅遠親，亦因為咁先可以去到皇室郊遊活動，所以贏在起跑線有時都真係幾重要。

旺楚克同佩瑪大個咗之後就開始拍拖，2008年旺楚克登基，兩嗰人後嚟响2011年結婚，大婚當日旺楚克將絲繡嘅后冠戴响佩瑪頭上，正式冊封佢為王后，之後兩人公開錫咗幾啖慶祝，搞到啲保守派好震驚。兩人結婚之後四年，小王子就出世喇。滿月當日，旺楚克宣佈於全國境內種咗超過十萬棵樹，作為送畀囝囝嘅禮物，依種綠色祝福真係意義滿分。而人仔細細嘅小王子曾經同爸爸媽媽出訪印度，成為好搶鏡嘅小小外交官。