九十年前,奉系軍閥張作霖於皇姑屯被日本軍炸死,佢個仔張學良之後成為中國東北地區嘅軍事領袖。日本政府當年唔希望中國南北統一,於是逼張學良繼續分離東三省。後嚟張學良同國民政府利用美英等外國勢力向日本施壓,通過國際輿論迫日本承認東北統一與否係中國內政,為東北易幟鋪平道路。

張學良於當年12月29日宣佈,東北地區服從南京國民政府領導,原本嘅北洋政府五色旗改掛青天白日滿地紅旗,奉天、黑龍江同吉林正式易幟,而張學良就成為國民政府嘅東北邊防軍司令長官。

東北易幟後第二年,國民政府將含有「奉天承運」封建色彩嘅奉天省改名為遼寧省,取其遼河流域地區社會安寧嘅意思。

圖片嚟自網絡。