超過八十年前嘅西安事變，寫下歷史嘅重要篇章。話說國民政府响1930年代傾注兵力去消滅共產黨根據地，作為領導嘅蔣介石仲飛咗去西安，督促東北軍同西北軍嘅主帥張學良同楊虎城去剿滅共產黨。但蔣介石估唔到嘅係，張學良同楊虎城為咗逼佢停止剿共、改為抗日，於是响12月12日發動兵諫，軟禁佢於華清池。

張學良同楊虎城通電全國，解釋捉蔣介石嘅原因，並要求停止內戰，一致抗日。經過多次斡旋同談判，蔣介石答應停止剿共，聯合抗日，張學良就陪埋蔣介石返南京。之後張學良一直被軟禁，多年後先重獲自由。

至於另一主角楊虎城事後被迫去歐遊，佢為咗參與抗日偷偷返咗中國，點知俾人捉咗，囚禁於江西南昌，最後於1949年被殺。點解齊齊發動西安事變嘅張學良可以留返條命？蔣介石夫人宋美齡功不可沒，張學良曾經好感慨咁講過，「宋美齡活一天，我也能活一天」。

原圖嚟自網絡。