以前睇電視劇或者睇戲，成日聽到啲人用幾多柴、幾多粒花去形容警察嘅職級，究竟點解？原來係同佢哋膊頭個徽章有關嘅。

其實一柴同三柴徽章（無兩柴），分別係指高級警員同警長（即係平時講嘅「沙展」，Sergeant），而再高一級嘅警署警長個徽章圓圓地，成個雞仔餅咁，所以警署警長就有「雞仔餅」呢個花名喇。至於「花」，就係督察級以上先有嘅，一粒花就係見習督察、兩粒花就係督察、兩粒一瓣就係高級督察，而三粒花就係總督察。偷偷話過大家知，有次搵資料見到個職級被稱為「雞仔餅」，差啲以為食得添，認真失禮曬。

原圖嚟自網絡。