大約喺六、七十年代，沙頭角曾經發生一宗離奇交通意外，仲同一陣「鬼風」扯上關係。話說當時唔少老人家都鍾意喺樹下吹水、做嘢，有一日沙頭角檢查站附近有架小型貨車炒出馬路撞到空地嘅一棵樹，樹下有位老太太當場斃命。

警方調查之後發現，原來一年前老太太個仔都喺同一棵樹上吊自殺。當地村長就話，老太太個仔平時不務正業，剩係識得問媽媽攞錢，後來老太太唔肯俾錢，嗰仔就走去上吊自殺。有唔少村民覺得嗰次車禍係老太太個仔返嚟搵媽媽麻煩，更令人難以置信嘅地方係，警方搵咗貨車司機同車後送貨人分開問話，兩個人同時話意外發生嗰陣吹起咗陣「鬼風」，搞到佢哋迷迷糊糊咁，清醒之後已經出咗事。最後單案去到法庭，因為無人肯上庭作證，法庭搵唔到恰當嘅理由結案，只能判老太太死於意外，而呢單案亦有個別稱叫做「鬼風」。

原圖取自網絡。