喺「四大華探長」當中，五億探長呂樂比較為人所熟悉，其餘三人包括藍剛、顏雄同韓森。前排TVB劇集《荷里活有個大老千》入面，湯鎮業飾演嘅文雄就正正就係以顏雄作為藍本，响劇入面文雄奸到出汁，仲狠手殺咗張慧儀，最尾坐監收場，咁現實中嘅顏雄結局又係點？

當年尖沙咀同油麻地係唔少黑道勢力爭奪嘅地盤，有「潮州老虎」之稱嘅顏雄就係嗰度嘅地頭蛇，佢當時跟住呂樂「搵食」，被形容為呂樂嘅跟班，最後仲做到油麻地警署探長。不過去到1974年廉政公署成立，將貪污作為重點打擊目標，署方瞄準呂樂依隻大老虎嚟打。「剋星」廉署嘅成立加上當時社會風氣改變，作為警員公然收賄隨時被人捉，令警員貪污嘅風氣自此以後漸漸絕跡。仲想貪污？真係洗定個八月十五都得喇喂。

講返華探長嘅結局，廉署經調查後掌握證據，發現呂樂涉嫌財富同官職收入不相稱，於七十年代發限制令，凍結呂樂名下10項物業。呂樂為逃避懲罰，帶埋家人去咗加拿大，而顏雄眼見勢色唔對，就走佬去咗泰國定居，近況未明。

原圖取自網絡。