傳奇巨星李小龍唔單止留低大批經典電影，仲有唔少好有道理嘅金句。阿史覺得最正嘅金句之一，係佢响電影《龍爭虎鬥》入面，談論武術哲學嘅名句「Don’t think, feel it」。

李小龍祖籍佛山，於美國三藩市出世。佢10歲嗰時主演電影《細路祥》，成為出名童星。後嚟佢去咗美國，期間到華盛頓州立大學讀哲學，令佢日後將自己嘅理念融合到電影同生活之中。

响美國返嚟香港之後，李小龍拍過《唐山大兄》、《精武門》、《猛龍過江》等精彩作品。其中《龍爭虎鬥》入面，有幕講到佢指導一個少年打功夫，當少年好認真諗緊嘢嗰時，李小龍一嘢拍落佢個頭度，講咗句「Don’t think, feel it（別想太多，憑感覺）」。不過依句精彩對白1973年响美國首次發行時被刪走，後嚟外國版本經過還原，加上李小龍相關書籍出版，先令大家對依位巨星嘅所思所想多一份理解。

一句說話，其實可以還有道理，同大家重溫多少少李小龍嘅金句，齊齊回味吓：

■「清空你的杯子，方能再行注滿。」

“Empty your cup, will again fill”

■「我不怕一個踢腿一萬次的人，但我怕把一個踢腿動作練了一萬次的人。」

“ I fear not the man who has practiced 10,000 kicks once, but I fear the man who has practiced one kick 10,000 times。” 

■「如果一個人敢於認錯，那麼他的錯誤都會被原諒。」

“Mistakes are always forgivable, if one has the courage to admit them. ”

原圖嚟自網絡。