容國團落場 短「乒」相接

上次講起乒乓球手容國團响1959年為中國體壇贏得第一個世界冠軍，除此之外，他喺兩年之後北京舉行嘅世界乒乓球錦標賽團體賽中，擊敗日本球手星野，中國隊最終以5:3擊敗日本隊，贏得首個男子團體冠軍。此外，容國團亦喺1964年臨危受命，以主教練身份，帶領中國女子隊喺世界乒乓球錦標賽決賽，擊敗日本隊，贏得首個女子團體冠軍。

今次一於分享多幾張容國團比賽嘅相，頭兩張係容國團參加比賽，第三張係佢贏得個人冠軍領獎、第四張係佢同隊友贏首個男子團體冠軍，而第五張係佢帶領女子隊贏冠軍。

圖片取自網絡。