之前講過紅磡發電站嘅歷史，今日一於講吓紅磡呢個名嘅由來。根據《新安縣志》記載，紅磡以前係叫做赤磡村，至於點解後嚟改咗名，可以參考兩個說法。

其中一個講法就話喺1909年，當時有個建築工人打咗口井，發現啲井水係紅色嘅，有風水專家認為係傷害咗龍脈，流出龍血，後來就因為呢啲紅井水，於是個地方就叫做紅磡喇。而另一個就話喺1856年之前，由港島望過去紅磡，就會見到海邊啲紅色岩石，當時有唔少漁船都泊喺度，而啲漁民都會叫凹入去嘅海邊就叫做「磡」，所以就紅磡、紅磡咁叫喇。望多兩望，阿史覺得好似紅色岩石嘅講法可信啲。

原圖取自網絡。