喺香港歷史上,曾經用過唔同地方嘅錢幣作為法定貨幣,當中包括內地嘅錢幣。1910年代初,內地因為革命而出現政治動盪,1912年內地貨幣貶值,香港政府憂慮錢幣一旦流入香港,會造成影響,於是4月起禁止使用內地嘅錢幣。同年11月,港督梅含理說服天星小輪、電車公司同山頂纜車,停收內地錢幣,點知觸發本地華人嘅憤怒,認為咁做係對民國嘅侮辱,而且當時缺乏本地錢幣,導致全港爆發拒搭電車行動。
梅含理見到咁大鑊,於是搵咗何啟同韋玉兩位立法局非官守議員兼華人領袖,協助結束行動。梅含理解釋,禁止內地錢幣純粹商業決定,無侮辱中國之意,又話有唔少華人資金投資喺電車同纜車公司身上,拒搭只會損害香港同中國。何啟同韋玉就响華商公司會議上為電車同纜車公司辯護,指拒搭損害香港經濟,而香港經濟唔好,市民就難以救濟廣東嘅親戚。最終喺本地華商幫助之下,1913年2月拒搭運動先告一段落。
圖片為1910年代電車,取自網絡。
評論:
共0 條評論