上次講到曹州教案,德國強佔並租借膠澳(青島)99年,依張相就係後續情況。話說1914年第一次世界大戰爆發,德國去到8月時,希望將租借嘅青島歸還俾中國,但日本就強加阻撓,唔准中國接受德國嘅建議,並且向德國發出最後通牒,要求德國撤走响日本同中國水域上嘅所有艦隻,並將青島全部租借地轉交日本。

日本同月正式向德國宣戰,出動5萬兵力,而守衛青島嘅德軍就只有唔夠5000人。德軍好快就全線崩潰,11月德國總督見大勢已去,就炸毀防禦設施、大炮,向日軍投降,自此青島就淪為日本殖民地。圖為日軍舉行入城式。