前排有新聞就話，科學館啲展品唔夠update，2000年代嘅PDA竟然仲出現喺館入面嘅介紹影片，咁又真係誇張咗啲。其實香港科學館最初由市政局响1976年提出，喺八十年代開始選址同建造，喺1991年嘅今日正式啟用，並由時任港督衛奕信主持揭幕儀式。館內安裝嘅第一件展品，就係客機「貝茜號」，係國泰航空响香港成立時嘅第一架飛機，好有標誌性。

科學館前身係漆咸軍營，六十年代霍亂肆虐，軍營被用作檢疫及隔離疑似患者或者病患家屬，之後成為青年羈留所、收容災民等用途，直至改建。科學館樓高4層，總樓面面積達13,500平方米，常設展廳包括：生物多樣性展廳、賽馬會環保廊、生命科學、力學、鏡子世界、磁電廊等，展出超過500件展品。除咗常設展覽之外，科學館多年來亦舉行過唔少展覽，喺2008年「神舟七號」載人航天飛行代表團訪港，康文署同中國載人航天工程辦公室就响科學館搞咗個「中國首次太空漫步航天展」，吸引唔少市民參觀。

圖片為科學館及中國首次太空漫步航天展，取自網絡。