最近有親友生咗第二個小朋友,一家四口好溫馨。回看歷史,其實香港同內地都曾經提及限制生育,以控制人口,同近年提倡生育一樣都係時代嘅見證。

七十年代初,中國物資短缺,大眾需要憑糧票領取糧食同日用品,令當時嘅總理周恩來提出要控制人口數量。中國於1971年提出計劃生育,「一個不少、兩個正好,三個多了」,提醒人民一個起,兩個止。而一孩政策就响1979年出現,每對城市夫妻只能生一個小朋友,超生嘅會受到處分及罰款等。不過受到傳統重男輕女嘅思想影響,一孩政策之下有唔少女嬰被人工流產。踏入兩千年,中國出生率約1.2%,處於國際平均嘅極低水平。根據報道,政策實施近四十年間,令中國生少咗超過四億人。

近年中國男女比例失衡,亦出現部份國家同樣面臨嘅問題——人口老化。為咗解決問題,中國於201310月允許夫婦其中一方係獨生子女嘅話,就可以生於兩個小朋友。有消息話,中國計劃全面取消生育限制,生育限制政策或將隨住時間嘅轉變,漸漸步入歷史。

原圖嚟自網絡。