早兩日見到朋友對幾歲嘅孖仔，佢哋鏟咗個光頭方便打理，搞到成為學校焦點人物。講開光頭嘅小朋友，阿史諗起九十年代嘅電影《笑林小子》嘅兩位主演——釋小龍同郝劭文，一個打到飛起，一個招積得嚟又帶啲搞笑，成為當時好受歡迎嘅童星。
《笑林小子》1994年上畫時，釋小龍只有6歲，劇入面飾演大人主角林志穎小師傅嘅佢，食住奶嘴咁打交，仲會鏟到啲地板飛起曬，真係勁得嚟又好好笑。唔少報道話現實中嘅佢兩歲時拜少林寺方丈釋永信咗師傅，成為少林俗家弟子，絕對唔可以睇小。戲入面比較正經嘅佢同專門負責搞鬼同搞笑嘅郝劭文產生化學反應，好似食食吓飯用筷子「聽聲辨位夾烏蠅」、用花生油倒落樓梯口跣啲壞人等，唔少無厘頭情節都令觀眾笑餐飽。
第一套嘅主演仲有徐若瑄，去到之後嘅《笑林小子2：新烏龍院》就有吳孟達、葉全真、苑瓊丹、鄭少秋同張衛健等星級人馬，令《笑林小子》系列當年好受歡迎。話說隔咗成二十幾年，舊年釋小龍同林志穎相遇，兩個仲影咗張相添，不過望真啲林志穎個樣，真係好似食咗防腐劑咁……
原圖取自網絡。