喺2000年開始,每年嘅太平清醮都會响農曆四月初八(佛誕)舉行,不過再之前太平清醮就係以杯卜方式嚟決定日子嘅。話說喺1939年5月,當時日軍入侵廣東,長洲居民就將太平清醮活動結合抗日籌款,透過宗教文化活動支持國家。有長洲小朋友舞獅籌款,籌到五百幾港元,喺當時嚟講並唔係細數目;有部份居民就舉起「睡獅猛醒」橫額,希望能夠喚醒民眾關注、振興中華。