上上個星期講開李連杰嘅《倚天屠龍記之魔教教主》，除咗角色張無忌，李連杰仲演過方世玉。講起方世玉，大家會諗起邊個咗主角嘅版本呢？阿史就覺得張衛健飾演嘅方世玉比較深刻喇，以前成日都會追嚟睇。

《少年英雄方世玉》係台灣飛騰公司响1999年出品嘅武俠喜劇，亞視當年買咗嚟播，結果大受歡迎。除咗有張衛健飾演方世玉，仲有恬妞飾演方媽媽苗翠花、樊少皇飾演洪熙官、何美鈿飾演凌小小。套戲最深刻嘅就梗係張衛健同恬妞之間嘅互動啦，非常搞笑生鬼，當年真係有唔少捧場客。

原圖取自網絡。