喺第二次世界大戰結束後，美國對日本採取嚴厲措施，令日本實行民主化、消除戰鬥力。不過到咗1948年，美國因應國際形勢而改變對日政策，由限制發展改為扶植日本經濟等方面，惹嚟中國人民強烈反對。喺五四運動29週年之際，中國爆發一場「反美扶日」運動，青年學生再次高舉愛國旗幟，出嚟示威抗議。當時北平有學生演出街頭劇，表達不滿。