資深演員李兆基尋日因為癌症擴散病逝，佢以飾演惡人角色聞名，代表作包括《古惑仔》系列，後來喺周星馳嘅發掘之下，改拍喜劇，其中《食神》、《喜劇之王》唔少場面，更展現出佢搞笑嘅一面，一齊同大家重溫佢部分嘅經典片段。

喺《食神》入面嘅其中一幕，就係講到李兆基飾演嘅基哥試完瀨尿牛丸之後，好青春咁喺沙灘上包住條絲巾奔跑、吟詩，但原來呢一幕係有段故㗎。有報道話基哥喺沙灘奔跑呢一幕本來係無嘅，係後來諗到，先至補拍後加。當基哥知道要補拍之後，隨即就質疑「會唔會俾人笑㗎？」但最後佢都係照拍，仲扮到好享受咁跑，當其時响淺水灣有好多人圍觀，但基哥都好投入咁拍，無理其他人嘅目光，證明佢有幾咁專業！

李兆基喺2015年曾經中風，多次傳出病危嘅消息，直至去年11月，有報道指佢患上肝癌，做過切除腫瘤手術，但最終因為癌症擴散到肺部不治，終年69歲。

原圖取自網絡。