今日係端午節,傳統習俗會喺呢一日去紀念屈原,不過話時話香港好似好耐都無影視作品以屈原作為題材,對上一次應該要數到1986年TVB播出嗰套《屈原》,由鄭少秋飾演主角屈原。除咗佢之外,他戲仲有汪明荃飾演吳寶如、劉丹飾演楚懷王、石修飾演秦相張儀、莊靜而飾演南后。

劇集講述楚懷王起初聽從屈原聯齊抗秦嘅建議,但後來秦國派出丞相張儀離間齊楚關係,張儀向楚懷王割地求和,又疏通南后等人,成功令楚懷王同齊國絕交,屈原勸阻楚懷王無效,仲因為咁而被貶、逐出京城。最後秦軍攻入楚國,屈原見到國破家亡,於是喺農曆5月5日投河自盡。而劇集主題曲《昂首向天唱》係黃霑同顧嘉輝嘅作品,由鄭少秋主唱,大氣磅礡,同屈原嘅胸懷大志襯到絕。

圖為《屈原》,取自網絡。